🤳好多朋友問我，喂Bella，究竟你忙唔忙？
我成日都同人講，生意越差就會越忙，就算而家我做緊後勤，都比以往要搞更多initiatives幫手追數，忙到甩轆！
今年條數相信間間都好差，唔該啲管理層唔好FF大家係用一部手機，㩒一粒掣，就有8位數字生意先得㗎，真係幫幫手唔好chur咁盡。
🥺希望大家捱得住💪🏻💪🏻💪🏻共勉之！
===================
讀者投稿
麻煩大家幫手share，X信銀行管理層，妄顧前線員工。疫情初期，若無其事，俾人上網唱衰後，才放WFH。
依家第三波疫情反覆，比第一波更嚴重，即使每日確診數字過百宗，管理層仍只是安排每兩星期一日的WFH，每日分行營業時間九點到下午四時半，收工後前線同事仍然要留在分行call 客及被捽數，在巿道艱難下，公司仍把第三季個人target加超過20%，令到前線同事除了要面對抗疫壓力，也要面對業績壓力，唔到run rate的同事要參加work shop。
七月中每兩星期一日的WFH，維持到到八月，宣佈取消。八月頭原本通知同事將WFH改為輪流放連續7日的AFO (away from office)，感覺公司好有人性，會為員工着想，但係點知上午mark晒更表，下午就話取消AFO，連本來兩星期一日的WFH都取消埋，八月份已經放左WFH的同事之後仲要扣返假。
其實依家大部分行附近有好多確診個案，客人都已經唔多願意落分行，佢地都覺得我地好慘，知道我地日日接觸唔同人，好高風險，仲要跑數。管理層話知你，總之要追返上半年甩左嘅short fall。反而back office嘅同事唔使面對客戶，感染機會較低，但係銀行仍然安排back office同事有WFH。(Bella: 嗱，我重申一次，back office都好狠忙㗎！）
管理層口口聲聲話公司好為員工著想，派左肺炎樣本收集器(但要check就請自費888)，話知道難約客(但target照加，數照捽，大部分分行investment target加超過七成，同事兩條I普遍加兩成)。一直話為同事爭取防疫安排，但爭取到WFH都取消埋，政策經常朝令夕改。
Search